Nesta sección vamos actualizando periódicamente información de FELPEYU y de lo qu'el grupu, o miembros del grupu, vamos faciendo. Siguío teneis una llista de los conciertos que tien FELPEYU pa los próximos meses.



CALENDARIU DE CONCIERTOS

Los conciertos de FELPEYU pa los meses qu'entren son:

FECHA / DATE CONCIERTU / CONCIERTO
CONCERT
LLUGAR / LUGAR
PLACE
Llu 28
Mar 05

Conciertu de Pascua

Avilés ASTURIES
Sáb 2
Abr 05
La Flor Grau ASTURIES
Sáb 23
Abr 05

CONCIERTU POLA OFICIALIDÁ
DE LA LLINGUA ASTURIANA

Campus d'Humanidades
Uvieo ASTURIES
Dom 8
May 05
La Ascensión Uvieo ASTURIES
Xue 2
Xun 05

Tobaksgaarden (Casa la cultura d'Assens)

Assens DINAMARCA
3-5
Xun 05
Halkær Festival 2005 Halkær DINAMARCA
Dom 5
Xun 05

Bruunske Pakhus

Fredericia DINAMARCA
Llu 6 /
Mar 7
Xun 05
Bendstrup, Hillerød /
Säljeryd
Sjæland DINAMARCA
Småland SUECIA
Mie 8
Xun 05
The Inmigrant Center Växjö (Småland) SUECIA
Xue 9
Xun 05
20:00h
Hagges Muzik Pub Tønder DINAMARCA
Vie 10
Xun 05
Ballerup Festival 2005 Ballerup, Copenhague DINAMARCA
Mar 21
Xun 05

Día Mundial de la Música
Plaza de los Mártires (Beirut centro)

Beirut LÍBANO
Mié 22
Xun 05
Conciertu nel Castiellu de la Mar Sidon - Saida LÍBANO
Xue 23
Xun 05
Festival de Jounieh Jounieh LÍBANO
Vie 24
Xun 05
Fiestes deSan Xuan de Nava Nava ASTURIES
Sáb 25
Xune 05
Fiestes de Llaviana La Pola Llaviana ASTURIES
Vie 1
Xune 05
Festival de Mendebala Sopuerta (Bizkaia) EUSKAL HERRIA
Xue 21
Xune 05
Festival "Trobadors i Joglars" Canovelles, Vallés Oriental BARCELONA
Sáb 23
Xune 05
Festival Intercélticu d'Avilés Avilés ASTURIES
Sáb 6
Ago 05
Festival Zas Zas, A Coruña GALICIA
Dom 7
Ago
Festival Pardiñas Pardiñas, A Coruña GALICIA
Sáb 20
Ago
Festival Folk de Candás Candás (Carreño) ASTURIES
Sáb 3
Set
Nueche Folk A Caridá ASTURIES
Xue 8
Set
La Virxen del Carbayu El Carbayu (Llangreo) ASTURIES
Sáb 8
Och
Casa la Cultura Quirós ASTURIES



21/06/05

LÍBANO TOUR 05
¡Estrenamos continente! Felpeyu va llevar la música asturiana a les audiencies d'Asia, col prósimu conciertu que dará'l grupu nel Día Mundial de la Música de Beirut (Líbano) el prósimu 21 de xuno de 2005. Depués el grupu va tocar nel Castiellu de la Mar, na milenaria ciudá fenicia de Sidon (Saida na llingua árabe), y rematará la xira con una actuación nel Festival de Jounieh, ciudá costera que vuela ente Byblos y Beirut.


2-7/07/04
TOUR POLACU 04

FELPEYU tuvo la so primer xira per Polonia el pasáu mes de xuneto. El festival principal nel que tocamos foi el Festiwal Celticky Dowspuda, nel llugar de Dowspuda, al noreste del país, un espaciu natural d'una guapura ablucante. Depués baxamos a la ciudá d'Skierniewice pa tocar nel Ethnosfera Festival, ún de los festivales de folk más vieyos y prestixosos del país. A la fin, colamos pa Varsovia, au ficimos dos conciertos; el primeru, perprestosu, nel salón d'actos d'un museo céntricu de la capital, xunta los amigos de The Reelium, y rematamos la xira presentando'l discu nuevu con un conciertu nel Traffic Club, una de les sales de conciertos más actives de Varsovia. Vaigan dend'equí les gracies a Piotr Fiedorowicz y los collacios de The Reelium y Riméad, ensin los que la organización de la xira nun sería posible.


23-27/03//04
TOUR GALLEGU 04

FELPEYU tuvo xirando per Galicia del 23 al 27 de marzo pa presentar el discu nuevu. Los conciertos foron, como siempre que tocamos n'aquella tierra, cálidos y perprestosos. Dend'equí mandamos un saludu al público gallegu, y a les sales organizadores: Miudiño (Arcediagos, 13 Ourense), Clavicémbalo (Rúa Dos Paxariños, 23 Lugo), Estudio 3 de la Radio Galega (Santiago de Compostela, A Coruña), Sete Mares (Trv. Santiago de Vigo, 2 Vigo) y Outotono (Ponteareas, Pontevedra). Gracies mui especiales a la productora de la xira, Mare Producciones, pol so bon trabayu y dedicación.

Sala Sete Mares. Vigo, 27 de marzo de 2004. Foto d'equipu: Ruma, Fernando, Patricia, Lisardo, Jose, Diego; Xuan, Ígor, Carlos. Sala Outotono, Ponteareas (Pontevedra), 28 de marzo de 2004.



31/01/04
FELPEYU EN BRUSELES

El pasáu 31 de xineru, FELPEYU tuvimos en Bruseles tocando pa los collacios asturianos qu'ellí tan establecíos. El conciertu foi organizau pol equipu de la emisora Radio Alma, que tresmite en castellán (y dalgo d'asturianu) pa tol área de Bruseles, en collaboración col Centro Cabraliegu de la mesma ciudá. Amás de tratanos perbién, esti colectivu demuestra tener una gran capacidá organizativa y dexa el llistón bien altu na llabor de caltener y espardir les costumes, la música y la gastronomía asturianos ente los belgas.

El conciertu féxose nuna sala bien prestosa del centru de Bruseles,
Baron Steels (Rue Haute n. 157 1000 Brussels), pa una audiencia de más de 350 persones. Hebo baille y xaréu a mazamartiellu y foi, en xeneral, ún de los más prestosos de Felpeyu nos caberos meses. Dend'equí animamos a otres formaciones tradicionales y de folk asturianes a contactar con esta xente y averase per ellí.



FELPEYU na presentación de Yá! en Bruseles, 31 de Xineru de 2004




Cartelu.



14/01/04
CELTIC CONNECTIONS 04

El pasáu xineru cellebrose en Glasgow la cabera edición del afamau festival folk escocés CELTIC CONNECTIONS, el festival d'hibiernu d'estes característiques más grande y importante del mundo. FELPEYU tuvo representau ellí, anque non na so totalidá: Ígor foi convocau como integrante al bouzouki d'una banda de músicos internacional xuntada p'abrir el festival per tolo alto, con un conciertu d'inauguración nel Glasgow Royal Concert Hall el 14 de xineru d'esti añu 2004.

L'espectáculu, nomau HARVEST, foi cenciellamente atómicu, y inspiró a Ígor pa facer una crónica del mesmu qu'espublizó na web Asturies.com. Equí teneis la crónica, xunto con material gráficu de la esperiencia. ¡Que vos aproveche!



Ensayu xeneral de Harvest nel Main Stage del Glasgow Royal Concert Hall, 14 de xineru.



26/06/03
CONCIERTU DE PRESENTACIÓN

Ésti ye'l cartelu del conciertu de presentación de
Yá!, fechu'l pasáu Xueves 26 de Xunu de 2003 na Sala Albéniz de Xixón, que tuvo enllena de Felpeyos: collacios, ex-miembros nuestros, xente vinculada al grupu nos caberos años y una reata d'audiencia de tou tipo y condición que mos dio calorín a lo llargo de más de dos hores metiéndo-y caña. Grácies a tolos que tuvísteis ellí, sois vosotros los que vraeramente ficísteis d'ésta una nueche mui especial, y esperamos que lo pasareis tan bien ellí abaxo como nós nel escenariu. Grácies tamién a la Xunta Pola Defensa de la Llingua Asturiana, collaboradores nesti conciertu, y tamién a Llibrería Paradiso, Baruku, Café Trisquel y Ca Beleño Xixón y Uvieo por asistinos cola venta anticipada.

 




* Na organización del conciertu collaboró con nós la Xunta pola Defensa de la Llingua Asturiana. Enllaza equí col so sitiu: http://www.exunta.org







19/05/03
¡A LA FIN, NUEVU DISCU!

De xuro yá-vos enterasteis que FELPEYU acaba de sacar el nuevu discu, Yá!, el 19 de Mayo de 2003. El trabayu grabose ente febrero y noviembre del 2002, y foi producíu tanto artística como executivamente por nosotros mesmos. La distribución dirá a cargu de K Industria, una distribuidora cola qu'esperamos funcionar eficazmente a nivel nacional.

Hai delles coses qu'hai que destacar de la grabación. El factor técnicu foi perimportante pa meyorar el soníu d'esta mena. La grabación y la mezcla fízose nos estudios Sinergia Digital de Madrí. Aparte de la calidá contrastada d'estos estudios, un factor determinante foi que ye ellí onde trabaya'l nuestru técnicu de soníu habitual, Salva López, que mos conoz meyor que naide; trabayando xuntos consiguimos un control total del soníu que queríamos algamar.

Pel lláu artísticu, aparte de la formación habitual del grupo en directo, pa la grabación cuntamos, como siempre, colos otros felpeyos. Elías metió unos vigulinos d'espatarrar; Boni pasonos otru par de lletres d'éses que sólo elli sabe facer, y Salva dexose grabar el Hammond de rigor. Por último, pero non menos importante, Fernando volvió a facenos la so indispensable llabor d'asesoramientu llinguísticu. Tamién ye una novedá que mos decidiéramos a facer un par de lletres pa sendos cantares del discu, que siempre ye un pasu complicau de dar; prestáronnos los resultaos, y esperamos que a vosotros tamién.

Nel aspeutu gráficu tamién repitimos, faciendo'l diseño marca la casa una vegada más. Nesta llabor foi determinante'l gabitu y bon facer de tol equipo de Motorvisión, vraeros malabaristas del Mac, y la profesionalidá d'una fábrica como Sony DADC Austria. Camentamos qu'a estes altures yá nun sorprenda a naide la 'ambiguedá visual' cola que mos presta aderezar les nuestres carpetes, nun intentu más de distanciar la música asturiana d'iconos y motivos gráficos d'emplegu reiterativu que, na nuestra opinión, llimítenla y encasíllenla enforma. Nesti sen, Yá! ye probablemente'l meyor exemplu de les nuestres intenciones.

Sabemos que munchos de vosotros tabeis impacientes por oyir esti discu. Hai delles razones poles que'l llanzamientu se retrasó hasta estes feches; de mano, porque pa esti trabayu perseguimos dend'un principiu la mayor calidá que somos a dar, ensin prises nin restricciones de tiempu. Dempués, porque la producción executiva tamién mos llevó un cachu grande: nestos meses xestamos el nuevu sellu
Tierra Discos, del que pronto atopareis más información nesta web y col qu'esperamos trabayar muncho y bien pa la música folk d'Asturies. Y lluéu, ta claro, porque colamos de xira p'Australia en marzo y abril, que ye una cosa bien complexa d'organizar y lleva más tiempu del qu'ún quisiera. A la fin, equí ta Yá!; ¡vosotros direis si valió la pena la espera!



Presentación de Yá! na SGAE, 22 de Mayo de 2003



...Y VÉMONOS!

De momento esto ye too. Siguiremos actualizando esta sección regularmente con más noticies fresquines de Felpeyu y los sos miembros. ¡Gracies por tar ehí, y hasta la próxima!