XIRES (ENTÁ EN CONSTRUCCIÓN)

 Material gráficu de les xires que vinimos faciendo los caberos años.

BÉLXICA
Delles imáxenes del nuestru viaxe a Bruseles
(31-01-04/01-02-04)

Sala Baron Steels, un espaciu perguapu nel centru de Bruseles nel que l'equipu de Radio Alma montó'l nuestru conciertu. Sacamos esta semeya na prueba de soníu.
Dalgunos felpeyos, con un collaciu, de visita nel Atomium
Tando na capital d'Europa, yera obligao echá-y un güeyu al Parllamento Europeu. Arrimámonos pallá, y cuála foi la nuestra sorpresa al atopar un grifu piquiñín xusto pembaxo la placa. Concluyimos que yera'l tan comentáu grifu de les subvenciones, y equí teneis a Ruma zarrándolu guapamente.
Peles cais de Bruseles comprobamos qu'ellí tamién saben poner les coses -y les persones- nel sitiu que-yos correspuende.
Una semeya colos collacios de Radio Alma y la Gran Plaza al fondo.
Puede ser qu'haiga cerveces tan buenes como la belga; meyores, non. Equí tamos degustando la Lambic, cerveza 100% natural de fabricación artesanal, típico de Bruseles. ¡Esquisito!


AUSTRALIA 03
 Correríes na cabera xira austral, marzo/abril 2003
Nesta xira, como na primera, volamos a Melbourne; y, como na primera, Olvido y Severino taben esperándonos cola barbacoa de rigor. Meyor comienzu, imposible.
Melbourne, 6 marzo 2003.
Bree y Ruma na trasera de la furgona nel viaxe Port Fairy-Adelaide, mui guapu y mui llargu, como siempre pasa n'Australia.
8 marzo 2003
Toos con cara buenos.
Port Fairy-Adelaide. 8 marzo 2003

Port Fairy-Adelaide. Los australianos tienen el vezu d'anunciar les coses que venden faciendo reclamos xigantescos, sobre too nos comercios prósimos a les carreteres. Adivinái qué vendíen equí. Port Fairy-Adelaide.
8 marzo 2003
Nel backstage del WOMAD ficimos la primera incursión a la Cooper's (la nuestra cerveza australiana favorita) de la xira. Adelaide, 9 marzo 2003
Reencuentru con vieyos collacios de la primera xira nel 2000: Pete, Dick y Susan, del grupu del South Coast Folk Club.
Adelaide, 11 marzo 2003
Consulao español. Yá en Sydney, el cónsul español preparonos una recepción. El cónsul yera mui simpáticu, pero el más gallu yera el so mayordomu, Don DeLong, col que ficimos perbones migues. Equí lu teneis, atiborrándonos a vino y a pinchinos.
Sydney, 14 marzo 2003
Consulao español. Semeya col cónsul.
Sydney, 14 marzo 2003
Oxford Tavern. Un vieyu amigu nuestru, Simon, organizó esti conciertu pa nós. Simon, distribuidor de vino y cerveza australianos, foi quien nos metió'l vezu pola Cooper's na primera xira; hebía que dedicá-y esta semeya (a él, y a la Cooper's).
Wollongong, 17 marzo 2003
En casa d'unos amigos de Kiama, mientres almorzábemos, Fer y Lisar tuvieron oportunidá de probar esti vigulín-trompa con un curiosu sistema d'amplificación.
Kiama, 18 marzo 2003
Parada y fonda camín de Melbourne, con Corinne y Rose, de Secret Street (la nuestra discográfica australiana).
18 marzo 2003
Tuvimos pocu tiempu en Melb, pero suficiente pa facer una comida astur enantes del conciertu de Brunswick. D'izquierda a drecha: Ígor, Severino, Lisar, Carlos, Ruma, Daniel, Corinne, Diego; Rose, Fer, Xuan, Alicia, Ollie.
Melbourne (VIC), 20 marzo 2003
Bathurst, NSW. Semeya colos nuestros collacios del Bathurst Folk Club depués del conciertu nel Panorama City Hotel. 23 marzo 2003.
Camín de Byron Bay (NSW). 29 marzo 2003.
Lo d'Australia ye asina: cuando crees que nun puede haber bichos más grandes, vas y atopeslos. Esta araña que vivía nel camerinu pulverizó tolos récords de les xires anteriores.
Coorrabell, Byron Bay (NSW), 29 marzo 2003
Anqu'en Queensland yá taba pa entrar l'otoño, entá facía un calor de muerte y hebía que parar a refrescase cada poco. Brisbane (QLD), 30 marzo 2003.
En xira convien tomar les coses con buen humor, sobre too cuando'l cansanciu pasa factura. L'humor nuestru ye peculiar y un tanto absurdu, pero eficaz. Depués de conducir tol día, atopamos asombraos esti cartel de bienvenía a Gold Coast (el Benidorm d'ellí) y salimos con estes cares.
Gold Coast (QLD), 1 abril 2003.
Baxando pa Sydney atopamos esti platanón brutal, y tuvimos que parar pa facer una semeya con cara plasmaos. Nun vos perder a Fer esgalitando pel fondo.
Área de Coffs Harbour (NSW), 2 abril 2003.
Ésti día ficimos una estrapallada kilómetros. Pa cuando llegamos a Katoomba, a tocar nel Blue Mountains Folk Festival, tábemos yá estragaos de furgona. Katoomba (NSW), 3 abril 2003.

Semeya cloes afamaes Three Sisters, al inconfundible estilo Felpeyu.
Katoomba (NSW), 4 abril 2003

Ígor y Bree, coles espectaculares Blue Mountains al fondo.
Katoomba (NSW), 4 abril 2003
Tomando una birra depués del conciertu nun sitiu mui célebre y peculiar: el Club de Veteranos de Gallipoli.
Newcastle (NSW), 4 abril 2003
Lorraine, Ígor, Bree, Carlos y Ruma, tamién nel Club de Veteranos.
Newcastle (NSW), 4 abril 2003
El caberu fin de semana de la xira foi el más brutal de la carrera de Felpeyu. Tocamos en Canberra (ACT) la nueche del sábado 5; la mañana siguiente volamos a Melbourne (VIC) pa tocar nun festival en Castlemaine (a hora y media en coche de Melbourne) a les 13:00 h; namás acabar, vuelta pa Melbourne y garramos otru avión pa tocar esa mesma nueche nel Basement, la sala más importante de Sydney (NSW). Claro ta, terminamos fulminaos. The Basement, Sydney (NSW), 6 abril 2003.
Lisar nel camerinu, cellebrando yá el fin de la xira.
The Basement, Sydney, 6 abril 2003.


AUSTRALIA 00/01
 Segunda xira en menos d'un añu: avientu 00/xineru 01

Freemasons Hotel, la mañana siguiente al conciertu de Nimbin. La espresión de Ruma va en consonancia coles Cooper's que se bebieron.
Nimbin (NSW), 22 avientu 2000.
Almuerzu típicu del norte de Nueva Gales del Sur: ensalada de frutes.
Nimbin (NSW), 22 avientu 2000.
N'Australia van diez hores per delantre, asina qu'al tiempu que los asturianos zampábeis la cena de nochebuena, nosotros tomábemos l'almuerzu de navidá, con cotillón y too. Equí ta Bree felicitando a Xuan.
Yamba (NSW), 25 avientu 2003
Nunca nun imaxinamos morrer de calor un día de navidá, pero ye qu'ellí eses fiestes caen en metá'l verano austral. Fuimos de pic-nic a una llaguna d'árboles de te, y equí tamos entafarraos de barro prieto, supuestamente sanísimo pa la piel.
Byron Bay (NSW), 25 avientu 2000.
Firma de discos nel Woodford Folk Festival.
Woodford (QLD), avientu2000/xineru 2001.
Escanciando en Melbourne. Los asturianos d'ellí faen sidra casero, tienen Cabrales auténticu y ponen otros munchos platos asturianos y españoles acompangando la tradicional BBQ (barbacoa) australiana. Hospitalidá 10, como siempre. Equí ta Lisar, que tien arte de chigreru, metíu en faena.
Melbourne (VIC), 20 xineru 2003.
Ente los munchos emigrantes asturianos que conocimos en Melbourne taba esta muyer, qu'anque lleva tola vida allá, canta tonada a la gaita como si nunca nun marchara d'Asturies. Xuan acompañó-y delles pieces, que nos dexaron ablucaos. Melbourne (VIC), 20 xineru 2003.
Semeya post-BBQ, colos nuestros amigos asturianos de Melbourne y dalgún australianu infiltráu (Roger Holdsworth y Pat, nel centru). Munchos besos dend'equí pa toos ellos.
Melbourne (VIC), 20 xineru 2003.

Ígor nel backstage, probando un bouzouki fechu íntegramente d'aluminio por un luthier llocal.
Bathurst (NSW), 4 febrero 2001.
Volando pa casa. Los aviones de la Thai son xigantes y ésti venía vacíu nel caberu tramu, asina qu'aprovechamos pa sacar esta semeya tan prestosa.
Dalgún llugar ente Roma y Madrí, 7 febrero 2001.


AUSTRALIA 00
 Primera xira australiana, marzo/abril 2000
Los nuestros anfitriones n'Adelaida lleváronnos a visitar fauna australiana a un sanctuary, especie de zoo a ú los bichos anden sueltos per ehí. El guardia de seguridá de la entrada yera un pelícanu enorme qu'esperaba inamovible a que-y dieren de comer. Pasámos-y pel llau con cudiao, y entramos pa dientro como tiros.
Adelaide (SA), 11 abril 2000.
Ígor dándo-y piensu a un emu como él de grande, y con una mala hostia más o menos del tamañu. Anduvo escorriéndonos el restu la visita pa que-y diéremos más. Adelaide (SA), 11 abril 2000.
¿Quién ye Ruma y quién el koala?
Adelaide (SA), 11 abril 2000.
Los canguros tamién veníen a comer.
Adelaide (SA), 11 abril 2000.
Los nuestros collacios del South Coast Folk Club.
Noarlunga (SA), 13 abril 2000.
Bundawang Hall. Foto familiar nel National Folk Festival, al final de la xira.
Canberra (ACT), abril 2000.


ITALIA
 Semeyes per Italia nos caberos ocho veranos.
Asina d'ablucaos quedamos cuando vimos el cachu cartel d'ambientación flamencoide qu'anunciaba'l nuestru conciertu.
Otiglio, xunetu 1995
Namás llegar a Savona, los nuestros collacios metiéronnos de cabeza nesta gelatería, según ellos, la meyor del mundo. Nun sabemos si les hai meyores, pero nosotros nun les conocemos. Vaya xelaos.
Savona (Liguria), xunetu 1995
  [más en camín]