ORÍXENES

Ésti ye dalgún material gráficu de los primeros tiempos de Felpeyu, cuando entá yéramos estudiantes na Universidá de Salamanca. Ellí formamos el grupu a finales de 1991, grabamos la nuestra primer maqueta, y coyimos callu del buenu tocando en delles sales.

	Primer conciertu "oficial" de Felpeyu, nel salón d'actos de la Escuela de Peritos de Béjar, allá pel 1991. D'izquierda a drecha: Félix Castro (gaita galega), Cástor Castro (flauta travesera), Ígor (guitarra), Ruma (bodhrán y gaita asturiana).
	Dalgunes coses nunca nun cambien. Anque d'aquella tocaben como aficionaos, Ruma y Ígor yá facíen el babayu como profesionales.
	Depués d'un conciertu nun chiringo perprestosu de Béjar, La Alquitara, con dos collacios colos que pasamos momentos inolvidables nos primeros tiempos: Ladis -el nuestru "mánager" y anfitrión en Béjar- y l'incomparable Son.
	Cástor. ¿O Félix...? Nesti casu nun hai dulda; como buenos ximielgos comparten munchos instrumentos, pero sólo Cástor toca la flauta travesera.
	Ésti ye Félix.
	El Felpeyín, la nuestra mascota, sentáu panchamente nel ampli de 20W qu'Ígor carretaba a tolos llaos p'amplificar la guitarra.
	Ígor, ¡ensin perilla!
	Ruma, col so primer bodhrán hand made.
	El nuestru collaciu Lluis Álvarez, tamién músicu, xixonés, estudiante de Belles Artes, y el nuestru compañeru de pisu. Demasiaes coincidencies como pa nun acabar tocando con nós. Lluis foi el baxista de Felpeyu cosa d'un añu y mediu, y grabó na nuestra primera maqueta.
	Equí tamos grabando la maqueta, nel aula de música del teatru Juan del Encina de Salamanca.
	El empalme d'Ossian foi un grupín formáu por dellos músicos que taben, tuvieron, y taríen en Felpeyu, y que frecuentaben les sesiones salmantines pel 1995/96: Ígor (bouzouki); Isidro Suárez (flauta y whistles); Fernando (vigulín); y dos collacios: Gonzalo, de Valladolid (flautes) y Bernie O'Rourke, de Co. Clare (concertina). La foto ye n'Aguilar de Campoo (Palencia).