LIVE OVERSEAS (CD, Urchin Records 2000)

El 2000 foi l'añu de la nuestra primera xira n'Australia, y una de les esperiencies más guapes de FELPEYU. Sentímonos cautivaos pol país y la so xente, y, dende l'escenariu, esperimentamos momentos de muncha intensidá nel contactu ente'l públicu y el grupu. Probablemente depués d'ún d'esos conciertos, dímonos cuenta de lo guapo que sedría rexistrar esos momentos nuna grabación. Entón salió una nueva xira, y ésa vez decidimos que queríamos tener daqué prestoso pa ufiertar al públicu, daqué que caltuviera esactamente lo que la xente esperaba sentir nun concierto de FELPEYU.

El repertoriu d'esti discu reflexa con ciñu lo que vinimos tocando na pasada xira: sets y canciones de nuestros trabayos FELPEYU y Tierra, más un par d'arranchos nuevos. La Marcha de Antón El Neñu, una marcha mui guapa qu'a Lisardo, Ígor y Xuan-yos dio por tocar nel Port Fairy Folk Festival pa enseñar cómo suenen les marches tradicionales asturianes; el públicu acoyola con tantu entusiasmu que siguimos tocándola, y convirtiose nuna de les pieces más aclamaes na xira. Y De Aquí A Somió, un cantar bien célebre del conceyu Xixón, que cunta la hestoria de una neña que, pa enguedeyar al mozu que-y presta, entama a dicí-y toles coses qu'el so pa incluyiría na dote si él quisiera casase con ella; como ye de recibu, la lletra ta en xéneru femenín y, yá que por desgracia nun hai muyeres nel grupu, Carlos y Ígor foron a repartir la voz principal pa rise un puquiñín.

Esta grabación ta dedicada a tolos queríos amigos qu'atopamos n'Australia, que mos ayudaron nuna xira de tales proporciones; y, cómo non, al públicu australianu, probablemente'l más cálido qu'enxamás atopamos. Por toos vosotros, tamos naguando por tocar otra vez Live Overseas.

1 Muñeres 4:26
2 Chalaneru 3:53
3 Xirandiyes 3:27
4 D'Equí A Somió 2:36
5 Marcha D'Antón El Neñu 4:37
6 Tierra 5:14
7 Baxaben 4 Ayeranos 3:27
8 El Besu 4:18
9 Chorín El Llagareru 3:52
10 Les Llágrimes De Les Coses 4:18
11 Llevántate Neña 3:52
12 Alboraes 5:47
13 Cuquina 5:46

Total 55:35

FELPEYU

Xuán Nel Expósito curdión, gaita asturiana
Ruma Barbero bodhrán
Ígor Medio bouzouki, baxu pedal, voz
Fernando Oyágüez vigulín, voz
Lisardo Prieto vigulín, voz
Carlos Redondo guitarra, voz

Teclaos adicionales y baxu llétricu n'El Besu Salva ³4 brazos² López
Grabáu en directo nel Miudiño, Ourense, 15-16 d'Ochobre 2000
Producíu por FELPEYU
Técnicu de soníu Salva López
Mezclau, editau y masterizau nos estudios Sinergia Digital, Madrid
Diseñu Gráficu Javier Rodríguez y FELPEYU
Semeyes nel Miudiño Jorge Chachero
Semeya nel National Folk Festival 2000 Xuacu Díaz
Tolos temes tradicionales d'Asturies arranxaos por FELPEYU sacante Muñera¹l Monte Areo (Í. Medio), Muñeira D¹Herminio (X.N. Expósito), Saltón de Xove (Í. Medio), Xota de Caldueñu (Trad./X.N. Expósito), Pasucáis de La Sacristana (E. García), Chorín El Llagareru (X.N. Expósito), Alborá de Los Potes (Trad./X.N.Expósito), Alborada de Carlos (C. García), Cuquina (C. García) Lletra de Tierra Fernando Álvarez-Balbuena Lletra d'El Besu Boni Pérez

©2000 FELPEYU ©2003 Tierra Discos
Licenciau pa la edición n'Australasia a: Secret Street Records, a part of Secret Street Pty Ltd ® PO Box 3147 Bellevue Hill NSW 2023 Australia www.secretstreet.com.au
Distribuyíu esclusivamente n'Australasia por Didgeridoo Records.
Management n'Australasia: Hemisphere Productions Bree Delian PO Box 404 Bondi Junction NSW 1355 Australia zabreeze@yahoo.com 61(2)93861296 +61(0)410332312

Grácies a toos
Fechu n'Australia
FELPEYU Apartáu de Correos 636 Xixón Asturies (Spain)
www.felpeyu.com



Depués del conciertu. D'izquierda a drecha: Fer, Salva,
Lisar, Xuan, Carlos, collacios del Miudiño, Ígor, Ruma.